من طرف بتكون قاعد بأمان الله عم تتفرج على فلم صرلك عم تستنا فيه أسبوع ليطلع بفوت أبوك بقلك شو عم تتفرج على فلم .......؟؟
) لا عم بتفرج على برنامج أرضنا الخضراء....)
((وكل هالتسميعة بتكون مشان يقلب عالجزيرة أو العربية ليسمع أخبار
صرلو طول النهار قاعد يسمع فيها))
عكلن إذا كبر أبوك خاويه .
هي خالصين منها ..
====================================
حاطت راسك ونازل دحي بهالكتب والدراسة ، بيجي أبوك أو أمك...: عم تدرس؟
) لا والله ...!! عم غير زيت للسيارة)
====================================
حامل سماعة التلفون وعم تبلش تدق بالأرقام، بيجيك عناصر مفاجئة من أهلك وعلى وشهم علائم الاستغراب والدهشة: بدك تحكي بالتلفون؟
) لأ شو احكي أعوذ بالله !!! كنت عم عد الأرقام يلي فيه ! )
شوبدي اعمل يعني ؟؟
====================================
لابس أحلى لبس عندك ومتعطّر وشايل مفاتيح السيارة وجزدانك و طاير لبرا البيت، بيجي حدا من أهلك بيسألك، شو رايحلك شي مشوار !!؟؟
) لا والله طالع عالأسطوح صلّح الدش)
بسيطة ولوووو ..
====================================
معزومين ع بيت جماعة، ولما بتدقوا الباب .. بيفتح شي فهمان وبيقول
بدهشة:هه إجيتوا ؟؟؟
) لا والله لساتنا عالطريق، في عجئة كتير بالمهاجرين)
كتير هيك ..
====================================
متمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب ويقول :شو نايم ؟؟
) لأ !! عم ارقص.. بس الوضع بيوحي إني نايم)
====================================
بتطلع بميكرو {سرفيس} وبتحط هيك ايدك بجيبتك وبتطلع [ خمس ليرات] و بتعطيها للي ئدامك ، وبكل برودة بيئلك : واحد ؟
)لأ 60 !!!!!!!!!!!! !!!!!؟ ورجعلي الباقي كمان[يعني الخمس ليرات بتركب كم واحد ؟؟])
------------------------------------------------------
بدك تنزل من الميكرو : بتقول للشوفير عاليمين زكاتك ....
بتتلقى الرد: نازل ؟؟
( لا والله بس كنت عم جرب صوتي شو رأيك أنت كمان ...؟؟ )
====================================
مذيعة بيوم العيد عم تلفلف بالشوارع وتلطي عكم مواطن وبتسأل وبنفس الوقت هي بتجاوب : شو بتساوي أول يوم العيد ؟ أكيد بتروح بتزور الأهل والقرايب..
( لا والله بالعادة بفكر العب دء طميمة وما روح لعندهم )
----------------------------------------------------
نفس المذيعة بتشوف ولد بالشارع و بتسأله ؟ حبيبي بتحب البابا والماما؟
( لا ما بحبهم ابداً , إنا بحب البوسنة والهرسك )
ليش مذيعاتنا دائما عندون نفس الأسئلة؟؟
ليش كل الشعب حفظان شو هي الأسئلة؟؟
ليش ما بتتغير هالأسئلة؟؟
يعني ليش المذيعة بتروح على شي حديقة أو شي مطرح متجمعين فيه الأولاد الصغار بالعيد..... وبتبلش بالأسئلة الفذة تبعونها ؟
اشتريت لبس جديد على العيد حبيبي؟؟؟
يعني شو بتتوقع يقولها؟؟
لأ...ما اشتريت لبس جديد.... هدول سرقة من على حبل الغسيل تبع الجيران
ولا بتتوقع يقولها أخدت لبس أخي الكبير تبع السنة الماضية و لبستو...؟؟
طيب بركي فعلا كان في ولد هيك وضعو.... ليش حتى تسألو وتكسرلو نفسيتو قدام بقية الأولاد؟؟؟
----------------------------------------------------
شو بتشتري بالعيد...شوكولا وأكلات طيبة؟؟
) لا والله...على العيد بشتري 10 غرام حشيش...و بنقعد نصطهج فيون أنا ورفقاتي..... وبعدين بنأرجل.... وبناخدلنا كاسين ......)
يعني الولد الصغير شو بحب يشتري وياكل؟؟ مجدرة ولا عدس بحامض؟؟
----------------------------------------------------
شو بتعمل بالعيد احكيلنا حبيبي....بتلعب بالمراجيح؟؟
(لأ أبدا...ما بقرب صوب المراجيح....بالعيد بروح بلعب مصارعة
رومانية...وشوية تايكواندو)
----------------------------------------------------
بتلعب مع أصحابك بالعيد؟؟
(أعوذ بالله... شو مع أصحابي... أبدا... بنزل بلعب مع شوفيرية التكاسي والزعران)
----------------------------------------------------
مع مين بتحب تروح بالعيد؟؟ مع ماما ولا بابا؟؟
(لا والله ؛ ما بحب روح معهن ... التنين اسئل من بعض .)
يعني عادة مع مين بيروح الصبي ؟
مو مع ابو وامو ؟؟
----------------------------------------------------
احكيلنا ...وين بتروحو بالعيد إنت ورفقاتك... حبيبي....؟
( ما بدها سؤال...على الكباريه...)
====================================
